2024 жылғы 28 ақпанда Қостанай қаласында «№ 2 Ерекше білім беру қажеттіліктері бар балаларға арналған «Балабақша-мектеп-интернат» Қостанай арнайы кешені» КММ базасында арнайы білім беру ұйымдарының тәрбиеленушілері арасында «Шекарасыз балалық шақ» облыстық спартакиадасы өтті.

Спартакиада үстел теннисі, дойбы және пионербол сияқты спорт түрлерінен өтті. Жарысқа жалпы саны 60 оқушыны қамтитын 5 арнайы білім беру ұйымы қатысты.

Жарыс нәтижелері бойынша жеңімпаздар мен жүлдегерлер атанды:

1 орын - Қостанай облысы әкімдігі білім басқармасының «Рудный қаласының ерекше білім беру қажеттіліктері бар балаларды қолдау орталығы» КММ;

2 орын – «Қостанай облысы әкімдігі білім басқармасының «Ерекше білім беру қажеттіліктері бар балаларға арналған «Балабақша-мектеп-интернаты» Қостанай арнайы кешені» КММ командасы;

3 орын – Қостанай облысы әкімдігі білім басқармасының «Ерекше білім беру қажеттіліктері бар балаларға арналған Арқалық арнайы мектеп-интернаты» КММ командасы.

Жүлделі орындарға ие болған спартакиада қатысушылары Дене тәрбиесі және қосымша білім беру өңірлік орталығының медальдарымен, грамоталарымен және кубоктарымен марапатталды.